Anong Aklat?

ANONG AKLAT?

(Isinulat ni Dr. Johnie Cuison, ika-12 ng Agosto, 2017)

(Originally written in Filipino, please do not use English Translator)

Anong aklat ang tahasang makapagsasabi

Na ako ay banal, "Ako ang una at huli"

Nagkwento ng himala nang kahapon, ngayon at bukas

Isinulat, inakda libong taon na ang nakalipas

Maraming aklat ang sa atin ay dumaan

Ako man ay nagbasa din at nag-ipon ng kaalaman

Sukdulang inalam ang mga anyo ng buhay

Ngunit tila di-angkop ang totoo sa tunay

Sa lahat ng aking aklat na inunawa

Iba ang handog nang Banal na Salita

Isa itong tubig sa taong uhaw at dalita

Salaming magpapakilala sa dungis ng ating mukha

Sino sa mga paham ang makapagpapatunay

Na ang Bibliya'y hindi banal at tunay

Sino sa mga diyos-diyosan ang nakalikha ng langit at lupa

Hindi ba't wala?, wala naman wala!

Marami na ang nagtangkang ito'y ipawalang-bisa

Siniyasat at binusisi na ng syensya't ateyista

Namatay nang lahat mga henyo at henya

Ang Bibliya'y nanatili sa muog nyang tibay at pag-asa

(cuisonjohnie@gmail.com   Writings 2017 #01